Эрзянь Мастор – эрзя раськенть историянь ёжоэлезэ, кона таколи ульнесь ве масторокс, кона компактнойстэ ацавкшнось Рав, Ока, Мокша ды Сура лейтнень чирева. Течи те Алцеодошонь (Нижньоень) буенть чипелеёнось ды Мордовия республиканть чилисемаёнось, ды теде башка шабра регионтнэнь апокшкеть территориятне. Тесэ ютась эрзянь этногенезэсь, мезде ёвтнить умонь ошюртнэнь лемтне ды калмазэртне.
Историясь ёвтни куншкапингень эрзянь кирдимадонть*. Кемголмово пингенть ушодома шкастонть, Эрзя Масторонь прявтокс ульнесь кочказь Инязор Пургаз. Чивалгома ёнонь шабратне, лецтнить сондензэ кода «Пургазонь волость». Пургаз кеместэ ванстась эсь масторонть шабрань князень экспансиядонть, конань куншкавиесь пурнавсь Алцеодошсонть (Нижний Новгород ошсонть). Седе тов Инязорось теевсь Ордань каршо молиця айгеманть прявтокс. Кода лиятненьгак Эрзя Масторонть саизе кедь алов Сырнень Ордась, кона седе тов явовсь башка ханства ды бейлик лангс. Зярдо кемготово пингестэнть кирдивиекс теевсь Московось, ушодовсь активень христианизациясь, а седе тов, русификациясь ды этноцидэськак.
Россиянь прявтнемась ветизе эрзятнень ассимиляцияс ды эрьва кува сравтнемас. Мелень каршо христианизациясь синдизе- яжизе ламо пингень кувалт ванставозь эськойчинть. Панжизе кинть кортамонь русификациянтень, ды лия раськень ютксо човорямонтень. Ламоксть эрзятне стякшность, кепетекшнесть оккупантонть каршо, ды свал неть кепетематне ульнесть пувазь –прядозь царьтнень карательтнесэ. Царень кирдимась натой сёрмадсь указ, кона эзь мере эрзятненень, ды шабрараськетнененьгак, кирдемс тюрьмаз кудосост, оцинямс ды, кузницясо важодемскак! Кавто сядт иеть эрзятнень арасельть кузницяст, натой валоськак кельстэнть ёмась.
Эрзянь Мастор
ПОПУЛЯРНІ
Текст посилання
Те весе ушодовтызе Эрзя Масторсто омбо ёнов эрзятнень миграциянть. Пенза, Саратов, Ульяновск ёнов… Рав томбалев… Оренбургонь буев, Татарстанов, Башкортостанов, … Ды эрзятненде лия масторга течи знярыя, зняро арась Эрзя Масторсонть… Сехтей нусманя ситуациясь Нижегородонь буйсэнть, Эрзя Масторонь седейсэнть, косо кадовсь Арзямасось -ЭрзяМасторось
Неть процесстнэнь мейле, эрзянь раськесь ёмавтызе эсь компактсо эрямо территориянть. Теевсь такодамо этникань анклавонь архипелагокс Урал пандотнес, ды седетовгак. Секс, зярдо стявтовсь кевкстемась националень округонь теемадонть, веньксэсь ульнесь а шождатнеде. Большевиктнэ кувать эзть арсе. Пурнызь вейс эрзятнень ды мокшотнень, «мордва», нарьгамо валонть перька, ды 1928 це иестэнть стявтызь –кемекстызь «Мордовский национальный округ» - онть, конатантень совась ансяк Эрзя Масторонь вишка пельксэсь. Седе тов те велявтовсь «автономной областекс» ды седе тов, «автономной республикакс». Течи эрзятнеде ды мокшотнеде тосо ансяк 40% эрицятнеде, ды русификациясь моли седе тов «эсь республикасонтькак»!
Стувтозь валт:
-кирдима –государство;
-тюрьмаз –оружие.
Олячив Рав-Урал
