"Erźań val" vejsenďavksoś uĺńeś jurovtoź Kijiv ošso 2008 -će iestenť. Jurovtićaks uĺńesť Siŕeś Boĺajeʼn di Oĺekśij Andŕienko. Sinďest baška, erźań undoks martotńe, Ĺevuś Dmitro (Čepeĺeń Mitŕaj) di Rostislav Martińuk (Ožomasoń Kirďa).
Erźań valoś kočkiźe ťokšmeĺeks eś važoďemanťeń Erźa raśkeń idenťičnosťenť veĺmavtomanzo.
Śe škastonť "Erźań val" śiśemksť purnakšnoś Kijivse Erźań keĺeń čiń ťeškstamonť. Teškstamotńe jutakšnosť ĺiťeraturań lovnomań formatsonť, konatńes ťerďeźekšńeĺť erźatńe avoĺ anśak Ukrajinasto, Erźa-Mokšoń mastorstojak, di RF-eń ĺija tarkatńestejak.
Vejsenďavksoś noldiźe Dmitŕij Taganovoń "Śeďejse tarka" kńiganzo di komśńiĺe erźań poeteń valmoroń pusmonť "Erźań valske". Eŕvadonť uĺńeś noldaź 1200 kńigat, di siń uĺńesť javšeź erźatńeń jutkova, nama, pandomavtomo.
2012-će iestenť Erźań val ťejś pŕeźentaćija erźań-ruzoń / ruzuń-erźań eĺektronoń valks, konań anokstiź kurosonť važoďićatńe di jalgast.
"Erźań val" veśe vijsenze snartńi vanstams erźań kuĺturanť, janģi kolońiaĺeń kojse pŕań veťamo modeĺenť, konant́eń kiĺdi erźatńeń metropoĺijaś: arśeveĺť erźatńe eś raśkeďenť koda ombosortoń raśkeďenť, eś keĺďenť, koda kortams a maštovića keĺďe.
Boĺaeń Siŕeś, kuroń pŕavtoś, śormadś ńiĺeńģemenďe lamo valmorot erźaks. Sonze ĺiŕikaś sotaź anťikolońiaĺeń pafosso. Son ťerďi istovtoź, a ĺijasto pekstaź-kardaź ťematńes erźań eŕamopinģeďenť: Erźa mastoroń istoŕijań, erźa raśkeń naćijań ģerojtńed́e, moskovoń ŕepŕeśijatńeń di erźa raśkenť eś poĺiťikań meĺtopavtomatńeń kis ťuŕemań.
Baškatńe ejstest uĺńesť śormadoź viďeos profesśionaloń stuďijatńese. Isťamotńeďe"Kalmaź ĺectńema" valmoroś, kona altaź maštoź 1937-će ijestenť Tašto Śeĺišča veĺeń eŕićatńeńeń.
"Teťańeń pškaďema" valmoroś avtoroś lovniźe 2013-će ień Raśkeń Ozkssonť, śeďe mejĺe, źardo Nataĺa Abrośimova lovniźe Estońijań Pŕeźiďentenť erźatńeńeń pškaďemanť.
Siŕeś Boĺaeń jutavtś erźaks zńarija morot ĺija raśketńeń: "Škamočiv garmoškaś"- jutavtoma "Одинокая гармонь" Boŕis Mokrousov kompoźitoronť moronzo, kona uĺńeś śormadoź "Снова замерло все до рассвета" Mihail Isakovckojeń valmoronzo langa; "Erźań ťejťerńeń", "Гуцулка Ксеня" ukrainań moro-tangonť moťivenze langa. Kompoźićijanť moramonzo ĺezdaś Miroslava Kopineź, sodaviks morića Užgorod ošsto; "Umaŕina", Sťepan Giga, ukrainań avtoronť moronzo kuvalma. Moroś altaź erźatʼneńeń, konat maksiź eŕamost erźań raśķenť kise;
"Rator čiŕeva" - ĺietuviań "Rana anksťi" moronť kuvalt kompoźićijaś. Jovtńevi 1236-1242 ijetńed́e, škatńeďe, źardo Erźań mastorov saś Ordaś. Moriź moronť Miroslava Kopineć di Oleksandr Tovt, aranžiroviźe Gennaďij Devjatov.
Teďe baška Siŕeś Boĺaeń škińeś zńarija muzikań škińemat eś muzikanť langs avtoroń ťekst marto: vaśenće erźań vaĺs "Timoń Verańeń. Tundo"; "Verģiz moro" kompoźićijaś, "Čiŕe jutkso", "Pejďema nuŕkamorot".
"Erźań val" škińeś zńarija viďeot erźań keĺse, konat ńevťiť erźań vanovksonť eŕamonť langs, perťpeĺksenť langs. Ńeť veśe maťerialtne uĺiť mińek "Vanmot" pargosonť.
Jalgakurodonť
НАШІ ВІДЕО
Kalmaź ĺedstnema
Moneń kortit́
емблема
